Þetta er Fíllinn sem talar, og koma svo

Það kom að því ég ætla að létta á mér á nýjan leik. Það sem hér birtist endurspeglar mínar skoðanir og kenndir og þarf ekki endilega að endurspegla skoðanir þjóðarinar. Vona að það verði líflegar umræður hér.

Hugheilar

Halló góðir hálsar

Þá staulast maður fram á ritvöllinn aftur eftir stopp vegna utanferðar. Skrapp til Spánar á dögunum sem var bara ágætt fyrir utan ælupest og ólund. Það er komið á framtíðarplanið að skella sér aftur þangað og klára að skoða það sem Barcelona hefur upp á að bjóða eða hluta af því. Barcelona er 5 erlenda borgin sem Fíllinn skemmtir í, næst er það svo Akureyri um helgina. Átakið gengur furðu vel þrátt fyrir óhóf í mat og drykk síðustu viku og enn eitt kílóið fokið samkvæmt mínum útreikningi eru þau orðin 7 frá 8. mars þetta er langtíma markmið svo ég er mjög sáttur. Ætla ekki að hafa þetta lengra í bili vegna anna við skriftir á öðrum vetfangi. Var beðinn að skrifa grein í blað sem er að koma út og þarf að skila henni í dag þannig að best er að byrja á henni fljótlega. Góða helgi 

Hellú

Ekkert smá ömulegar þessar auglýsingar frá Sparisjóðunum. Varstu að segja bankanum þínum upp? ömurleg klisja. Eins og maður sé í einhverju ástarsambandi við bankann sinn. Fyrir mér er þetta meira viðskiptalegs eðlis. Viðurkenni það reyndar að ég er í sambandi við sparisjóðinn minn í þau fáu skipti sem þjónustufulltrúinn minn hefur tíma til þess að tala við mig, hef því neyðst til þess að daðra aðeins við banka, kannski flokkast það undir framhjáhald en ef hinn aðilinn í sambandinu er ekki að standa sig verður maður að þreyfa annarsstaðar fyrir sér. Því finnst mér skrýtið að sparisjóðurinn sé að bjóða í samband þegar hann er varla að höndla þau sem fyrir eru. Slysaðist líka til þess að sjá hluta af einu undankvöldi í keppninni fyndnasti maður Íslands á Skjá einum, úff best að segja ekkert nema að ég vona keppninnar vegna að hinir keppendurnir séu betri en þeir sem ég sá á Skjánum þetta kvöldið. Var á Skaganum á laugardagskvöldið hjá Sjálfstæðismönnum gekk mjög vel og þakka ég kærlega fyrir gott kvöld. Heimferðinn gekk hálf brösulega vegna slæms veðurs verst var það á Holtavörðuheiðinni ekkert skyggni maður hélt að jeppatöffararnir myndi hægja á sér í óveðrinu en það var öðru nær, maður var í stórhættu og hrósaði happi yfir því að komast lifandi heim, þeir komu bara á fullri ferð án þess að vita hvað leyndist í bylnum þetta endaði með a.m.k 2 árekstrum á heiðinni. Menn virðast fyllast einhverju mikilmennskubrjálæði um leið og sest er upp í stóra jeppann ætla bara að valta yfir alla.

Hugheilar

Enn á ný eru þessir jeppatöffarar til vandræða upp á öræfum. Er með þá kenningu að það sé ekki tippið sem minnkar í hlutfalli við stærð jeppans heldur sé það heilinn. Eftir því sem jeppinn er stærri og öflugri er heillinn minni og slappari. Hvað voru þessi vitleysingar að æða út í óbyggðirnar þegar Siggi stormur spáir brjáluðu veðri ? og eyðileggja með því helgarfríið á c.a 300 björgunarsveitarmönnum. Það á að láta jeppatöffarana  borga þetta útkall sjálfa. Löngu tímabært að draga svona ævintýramenn til ábyrgðar. Það á að skylda menn til þess að kaupa leitartryggingu sem stendur straum af kostnaði við leit ef menn eru ekki með hana eiga þeir að sæta ábyrgð og borga sjálfir ef leita þarf að þeim. Það sama á að gilda um rjúpnaskyttur og aðra sem hætta sé til fjalla og geta lent í því að týnast.

Hugheilar

Daginn

Loks mættir við bloggtækið. Skrapp til Liverpool í rjúpnaferð eins og komið hefur fram. Það er eins og við manninn mælt að um leið og þotann sleppti brautinni í Keflavík ákvað sveitavargurinn að banna áhugafólki um kynlíf á netinu að gista á hótelinu sínu sennilega eftir þrýsting frá litlausum borgarstjóranum hneyksli ! ekki orð um það meir. Þetta var snildarferð v.i.p miðar á völlinn, stór sigur og nokkrir bjórar. Það var líka mjög gott að byrja á botninum í ferðinni, þ.e.a.s að lenda í Manchester eftir það lá leiðin bara upp á við. Mjög góður hópir sem innihélt m.a einn Evertonmann og þrátt fyrir mikla leit fundum við ekki meira en 5 til viðbótar á ferðum okkar um borgna. Enda eins og mr Warnock stjóri sheffield utd. sagði þegar við hittum hann á hótelinu á föstudagskvöldinu. það segja allir að við séum með smálið eins og Everton. Fórum svo í fjárhúsið í Liverpool á sunnudeginum, Bítlasafnið. Hef aldrei verið hrifinn af Bítlajarminu þó var hvítaherbergið mjög áhrifaríkt og mátti sjá fólk hágráta þar inni sennilega verið Evertonstuðningsmenn. Annars bara best að láta myndirnar tala sínu máli er pennalatur.

Hugheilar