Hvað er feministi ?

Ég hef oft velt þessari spurningu fyrir mér en aldrei komist að niðurstöðu og ekki lagaðist ástandið hjá mér þegar viðtal var tekið við ráðskonu karla hóps feminista á Íslandi sem reyndist vera karl af erlendu bergi brotinn með öfgafulla hárgreiðslu. Af hverju er hann titlaður ráðskona? Mín skýring er sú að eins og hið umdeilda rit Biblían gefur í skyn eru konur menn, enda búnar til úr beini úr karli samkvæmt sama riti.

Þá komum við að öfgunum.  Feministar vilja jafnrétti kynjanna sem er góðra gjalda vert, sömu laun fyrir sömu vinnu o.s.frv. Á jólatréssamkomum er haldið fyrir eyrun á börnum af því að þau mega ekki heyra að bara stúlkur vaggi brúðum eins og segir í laginu Nú skal segja. Svo þykir alls ekki sniðugt að klæða börn í liti á fæðingadeildum eins og stelpur í bleikt og stráka í blátt, slíkt hafi varanleg áhrif. Ég á bleika skyrtu og líður bara vel í henni, hún mætti reyndar vera víðari.

Ís var innkallaður og mikil ólga var hjá feministum vegna þess að ísinn var kyngreindur með litum. Svo er það nýjasta upphrópið hjá þeim, klámfengnir öskudagsbúningar, ég viðurkenni alveg að sumir þessir búningar eru efnislitlir en að vera að vekja á þeim athygli er ókeypis auglýsing fyrir seljandann. Við feðgarnir hlaupum stundum naktir um húsið til að gleðja húsfreyjuna, gerir það okkur að klámhundum? Hver er klámstuðull feminista? Feministar virðast sjá klám í hverju horni, hljóta að hugsa mikið um klám. Tökum dæmi: Það má ekki sjást ró framan við bolta þá er það klám. Keilan auglýsti að keilukúla væri líka með þrjú göt þetta var umsvifalaust stimplað sem klám, vinnupeysan mín er með þremur götum og ekki þykir minni heittelskuðuþað klámfengið því að hún vill henda henni. Hef fylgst með umræðum á netinu og séð harðfullorðna karlmenn sem kalla sig feminista ausa sér yfir menn og upphrópa þá sem öfgamenn ef þeim verður það á að vera þeim ósammála. Ég segi nú bara: Sá ykkar sem syndlaus er kasti fyrsta steininum. Það er nefnilega þannig að allt sem feministar segja og gera er hið rétta og allt annað eru öfgar og pervertismi eða að viðkomandi skilji ekki málið.  Gæti það ekki allt eins verið öfugt?

Ég hef marg oft reynt að fá svar við því hvað feminismi er en það er fátt um svör enda virðast margir feministar ekki vita það sjálfir. Maður ætti kannski að spyrja ráðskonununa, hvað hann nú heitir?

Lifið heil

Höfundur er gift karlremba en elska og virði mína kona og ekki skemmir það fyrir að hún er frábær í eldhúsinu og liðtæk með tuskuna.